artist
date_end	1539-09-19
date_start	1539-09-19
excerpt_id	748528
quote	Jutte van dieman ysbrants dochter. weduwe van wylen claes cornelis z[oon] droechscerier saliger memorien broeder van een[en] aernt cornelis z[oon]. ende die voichden van cornelis. des zelves claes cornelis z[oon]s weeskint mit die weesm[eeste]r[e]n van leyden als upper voechden eysschers. beclagen ende eysschen Jan cornelis z[oon] goutsmit verweerder Seggen[de]. ende die Waerheyt es zulcx als dat upten XVen dach In julio a[nn]o XV C.XXX. die voors[eyde] verweerder onder hem genomen heeft des voors[eyden] aernt cornelis z[oon]s goeden hem by zyn moed[er] voir zyns vaders erfnisse en[de] besterfnisse bewesen. als die helfte van twie campen lants tsamen groot wezende zes morghen byden hoop sonder maet. mit veel meer andere Renten geld[en] ende ander goeden. gelyck breder blycken mach byden bewys brieff daer van zynde van date als voeren / ende heeft die voors[eyde] verweerd[er] geloeft ter liefte van aernt voorn[oemde] die zelve goeden te Regieren en[de] die voichdye daer van te hebben tot nut oirbair ende profyte vanden zelven aernt cornelis z[oon] / ende dit voirden tyt van acht Jaeren ten Waere dat die voors[eyde] aernt eer te lande gecomen hadden ofte dat daer zekere tydinghe van zyn oflivicheyt gebrocht hadde geworden beloven[de] voerts als den tyt van die acht Jaeren omgeco[m]men zoude zyn. of dat die voors[eyde] aernt cornelis z[oon] thuys gecomen soude wes[en] ofte zekere tydinge van zyn oflivicheyt zoude zyn / die voor[seyde] goeden Weder te Restitueren vuyt te Reycken up te leggen / ende voert goede en[de] duechdelicke Rekeninge en[de] Reliqua te doen van zyn ontfanck ende vuytgeven zulcx als dat behoe[re]n zoude / en[de] alzoe een vanden drie conditien ofte manieren. daer up die verweerder die goeden ontfangen heeft om[m]e gecomen zyn als dat die acht jaeren geexpireert zyn / en[de] die v[er]weerd[er] noch onwillich Is zyn angevaerde perchelen van goeden Weder te Restitue[re]n vuyt te Reycken up te leggen. en[de] voerts goede en[de] deuchdelicke Rekeninge en[de] Reliqua te doen van zyn ontfanck [“frai” stricken out] ende vuytgeven zulcx als dat behoert / Concludeeren daer om[m]e deysschers dat by vonnisse van U myn hee[re]n scepenen van leyden die verweerder gecondempneert zal zyn alle die percheelen van goeden Renten en[de] penn[ingen] begrepen In den voors[eyden] scepenen brieve van date XV C en[de] XXX. den XVen In Julio. ofte ten minste trechte derdendeel van dien te brengen In handen vanden weesmeeste[re]n deser stede en[de] mede vand[en] handelinghe die hy zedert date vande voors[eyden] brief gehadt heeft vande voors[eyden] goeden Renten ende gerede penn[ingen] zoe wel van ontfangen als van vuytgeven te doen goede deuchdelicke Rekeninghe bewys ende Reliqua. en[de] dat voerts alle zyne goeden daer voeren verclaert zullen zyn verbond[en] ende geypotekeert en[de] voerts executabel of tot andere zulcke fyne en[de] conclusie als vuyt deductie van desen by scepenen bevonden zal worden deysschers alder oerbaerlicxste te wesen nae Rechte Maickende eyssche van costen
summary	Jutte Ysbrantsdr from Diemen, widow of Claes Cornelisz, dry shearer, brother of Aernt Cornelisz, and the guardians of Cornelis Claesz, son of Claes Cornelisz, with the regents of the orphan chamber of Leiden as principal guardians, sue Jan Cornelisz, goldsmith, claiming that on July 15, 1530 he accepted guardianship of the property of Aernt Cornelisz, allocated by his mother from the estate of his father, which contains two pieces of land, other interests, money and property, as stated in a contract, for a period of eight years, unless Aernt Cornelisz would return from abroad to Holland or die before that time. In the latter case, or after eight years, Jan Cornelisz should return the property and give account. Since Jan Cornelisz is unwilling to do so, even now that the eight years have past, the plaintiffs demand payment and accounting.
tags	a:3:{s:7:"keyword";a:1:{i:0;s:8:"goudsmid";}s:6:"person";a:2:{i:0;s:24:"Jan Cornelisz | goudsmid";i:1;s:27:"Claes Cornelisz | overleden";}s:5:"craft";a:2:{i:0;s:8:"goudsmid";i:1;s:9:"overleden";}}
title_archive	archief Schepenbank (Oud Rechterlijk Archief)